Machnamh Mharia

Siúlaim suas An Bóthar Fada

Ag éisteacht le mo raidió

Ag tabhairt aire dom chúram fhéin.

Tá bean caite cois chlaí

Ag ól buidéal cider

Béiceann sí:

“Agus cad leis atánn tú ag éisteacht…in Ainm Dé?”

Sobal léi…

A caincín geancach cosúil le brocaire i bpoll coinín

Ag réabadh is ag tochailt eolais

Chun é a scaipeadh ar fuaid

Bhaile an Daingin.

Tá éad uirthi anois mar ná féidir léi

Meangadh gáire a dhéanamh

Mar a dheinimse…

Nuair a eistím le Gift Grub…!!

Ach shh!!

Shh!!

“Ó tá san fé rún” a deirimse

“Ó in aimn Dé”, ar sí arís, ag sceamhaíl orm.

Caithim gáire

A bhitch…

’Sé mo chúram fhéin é…

Leanaim orm go costrom suas an bóthar

Ag déanamh mo mhachnamh

Agus

Shh!!

Sea…

Mé cráite ag ceol.

An tSiúir Stan

[Maireann an tSiúr Stanislaus in aice liom. ]

Crochadh Íosa ar an gCrois

Tairne ins ngach láimh

A dhá chos greamaithe den adhmad

Fuil ag sileadh síos a aghaidh

Ón gcoróin spíona

A raibh sáite go doimhin ina cheann.

Íosa bocht

É cosúil le uan

Cosúil leis an seana-wino bocht

Sa lá atá inniu ann

Sínte ar chlár adhmad

Fuil ag teacht amach a chluasa

Taréis bataráil na hoiche d’fháil

Ó ghang dhéagoirí

A cheap go raibh sé cool fear bocht, ciúin, cinéalta

A chicéail sa cheann.

Fear bocht

É cosúil le uan

Paipear tarraingte timpeall ar fhéin

Ag iarraidh é fhéin a théamh

Ach d’eirigh Íosa ós na mairbh

Agus shabháil sé an chinneadh daonna

D’eirigh an tSiúir Stan óna leabaigh

Chun an wino bocht a shábháil

Ghlan sí an fuil go mín dá aghaidh

Thug sí bath do

Asus leaba deas glan

Agus pyjamas

Agus braon tae

Agus buidéal uisce te.

Na deora ag sileadh le Jude

Ach gan aon airgead aige chun an aingeal seo a íoc

Bheadh gach aon pingin ó Jude á spárailt aige

Chun buidéal cider a cheannach

Larna na mháireach

Ná bac leis a dúirt an bhean lach cráifeach cinéalta

Ach rud amháin a iarraim duit

Teir an tséiléal agus las coinneal dom

Agus tabhair aire duit fhéin

Sister Stan

Í cosúil le h-uan

Mo Sciatháin Briste

Dúirt Muire i gcogar liom

Inniu

“Ná lig de na rúin cur isteach ort…

Ná bí buartha futhu…

Táimse i d’theannta…

Ná dein dearmad ar t’anam

Ná ar anamacha do mhuintir

Bí cróga

Seas in aghaidh na gaoithe

Ó a Mhuire, a Mharia

Táim lag agat

Lag ó bheith ag smaoineamh

Mearbhall orm

Cosúil le caoire le galar cam

Cím rud éigin ag corraí sa ghort

Rud éigin dubh

Dorcha

An diabhal…

Ab ea…?

Táim scanraithe anois

Ní scaoilfidh me na rúin le héinne

Ach a Mháthair

Tá cnopán mór

Curtha agat ar mo dhrom

Táim cosúil leis an seanleaid

A bhí ag teacht ón nDaingean

Agus a chuala na púcaí ag canadh

Agus a dhein pairseach don amhrán

Dé Luain, Dé Máirt

Dé Luain, Dé Máirt

Bain díom an t-ualach

Saor mé ón gcreideamh seo

Lig dom seasamh suas díreach

Go dtógfaidh tú i do bhaclainn me

Agus go bpógfaidh tú

Mo sciatháin briste.

An Ghealach Gorm

D’eirigh an ghealach gorm

Amach as an doiricheacht

Ní raibh éinne timpeall chun cabhrú liom

Chuala an mada rua ag liúreach

Agus uan bheag bhán ag béicigh

An nadúr corraithe

Sceoin im’ chroí.

Bhíse imithe uaim

An gomh ort chugam

Nuair ná raibh an dínnéar

Réitithe i gceart duit

Breall ort

Furist breall a chur ort…

Bhí an oíche ar lasadh fén dtrath seo

An ghealach lán sa spéir

Dhúnas na fuinneoga

Chuireas na baltaí ar na dóirse

Mhúcas na soilse

Agus shuíos im chathaoir cois tine

Ag éisteacht agus

Ag fanacht.

Bhí an mada rua le clos fós

Ach bhí an t-uan balbh

Mise ann fós

Ag éisteacht agus

Ag fanacht. 

An Gadaí Gránna

’Sé seo an saol

Saol gan mhaith

Gan gháire

Gan ghreann.

Níl éinne im’ shaol anois

Bhí fear ann tráth

Ach…d’imigh sé…

Ar imirice chun na hAifrice

A dúirt sé liom.

Scríbhneoir ab ea é

A dúirt sé liom

Philanthropist

Huh!

Ag scríobh aistí

Ní bhfuaireas é sin amach

Go dtí an lá a dúirt sé

Slán.

Aistí!...huh!

Ní mór mar sin

An scríbhneoir é

Ag ligint air

Go bhféadfadh sé scríobh

Ag ligint air

Go raibh sé i ngrá liom.

Ghoid sé mo chroí

An gadaí gránna.

Ghoid sé m’anam

Agus ghoid sé mo chorp.

Ghoid sé an fuinneamh a bhí ionam.

Táim mar rud marbh anois aige

Rud caite críonna…bailithe

Agus é fhéin…bailithe leis

Go meidhreach

An bother síos

Ar a bhicycle

Slán leat

A sheanrud gan mhaith.

Dein staidéar ar bhean eile,

Ar chultúr eile

Ar chroí eile

Ar amadán eile…

Táim níos fearr as

I m’aonar.

Is ag Dia amháin atá fhios

Cá bhfuileann tú uaim, a chroí

Táim ag fanacht leat

Mo shaol go léir.

D’imís uaim ar nós gal gaoithe

Gan tásc ná tuairaisc ort

Le blianta fada.

Tá an rós a thugais dom

Fós go h-álainn

Suite istigh idir dhá leathanach

An Bhioba Naofa

Triomaithe ar feadh na síoraíochta

Cumhra álainn mór thimpeall mo thig.

An cuimhin leat an tráthnóna san

A chuamar go dtí Cill Airne

Bhí relics Naomh Treasa sa Chathedral

Scuaine mílte ar fad

Gach éinne socair

Beagán báistí

Gan éinne  ag gearán

Ceo bog ár gclúdach

Blaincéad

Chuir sé Auszwich i gcuimhne duitse

Chuir sé Neamh i gcuimhne dósa

D’athraigh an turas sin go Cill Airne gach rud

D’imigh an pian a bhí im’ cheann agam

Agus d’imigh tusa om’ thaobh

Neadar cad a tharla

Is ag Dia amháin atá a fhios.

Maria Ní Mhurchú

Dán do shaghas eile...

COUREL dos tesos cumes que ollan de lonxe!

Eiquí síntese ben o pouco que é un home...

                                                       

High mountains of Courel that look far away!

Here you can feel how small a person can be...

                                                Uxío Novoneyra

Féach ar shléibhte Courel a fhéachann i bhfad ó bhaile!

Anseo is féidir a bhrath cé chomh beag bídeach is is féidir le duine a bheith…

                                                Maria Ní Mhurchú

An Colúr Bán

Ní féidir liom codladh anocht.

An iomarca ag titim amach ar fuaid an domhain

Ná féach ar an dteilifís mar sin!

Ach níl aon leigheas agam air

Pictiúirí ag cur as dom’ cheannaín bocht.

Socraím an piliúr

Éistím leis na blues

Léim leabhar

Deirim paidir.

Táim ag fanacht le Ian ach

Níl tásc ná tuairisc air…

Cloisim an ghloine á briseadh thíos staighre

Ó Chríost, cad a dhéanfad nó cé tá ann…?

Éirím as mo leaba, mo dhá chos cosúil le jelly

Éalaím síos an staighre

Shh! Tá glór sa seomra suite.

Osclaím an doras go mall

Ar crith agus mo chroí cosúil le pump

Tá an vás a bhí suite os cionn na tine

Briste i smidiríní ar fuaid an urláir

Agus éan ag eitilt ón dteilifís

Go dtí an chathaoir

Go dtí an bord

Cac ar fuaid na háite aige.

Deirim paidir

Tá an t-éan bocht níos a mheasa ná mar atáimse.

Scaoilim saor é isteach i ndoircheacht na hoíche

Agus deinim cupán tae

Cím scáth an cholúir bháin sa ghealach agus

É ag eililt i dtreo na réiltíní.

Fear a’ Tí

Tánn tú suite ansan

Ar do sháimhín só

Beag beann ar an saol

Lasmuigh de do dhoras

Cathaoir órga faoid’ thóin

Agus leanbh breá beathaithe

Ataithe

Faoi d’ascail.

Tá leanaí na tíre seo

Ataithe

Chomh maith

Ach ní ag caviar

Ach ag aer tirim na dúiche…

Is maith liom an dath dearg

Atá ar do ghúna galánta

Ach b’fhearr liom

A bheith istigh i bpluais

Seachas cur suas leis

An bpusachán atá pósta leat.

An gcuimhníonn  tú riamh ormsa anois?

Bhís ana-mhór liom nuair a bhíomar óg.

Sciobais mo leannán uaim

Le do chuid airgid agus ardnósanna.

Bhailíos liom chuig an Aifric

Croíbhriste.

Nósanna de shaghas eile amuigh anso

A thógann tamall dul i dtaithí orthu

Ach nach mise a bhí ámharach

Gur thugas na cosa go deas liom.

Duilleoga Draíochta

Siúlaim tríd an gcoill

Táim sceimhlithe

’Dhaid!

Tar i gcabhair orm!

Ach ní chloiseann éinne mé.

Suím síos in aice chrann mór darach

Mo chorp ar crith.

Tosnaíonn an bháisteach

Agus cloisim guth mo Dhaid

Istigh im’ cheann

“Cuir ort casóg

Féach ar na scamaill”.

Cím feithid ollmhór

Ag eitilt im’ threo

Deinim scréach

Seasann an fheithid ar chrann in aice  liom

Deineann sí gáire

Deinimse gáire.

Tinkerbell atá ann

Fairie beag

Mo chara draíochta

Anois cím a sciatháin

Déanta den ndrúcht

Agus gúna beag síoda gorm uirthi

“Ná bíodh aon eagla ort, a chroí”

Arsa an Fairie liomsa

Lean mise agus beir alright.

Dheineas amhlaidh

Agus chonac m’athair

I ndiaidh na gcaorach

Ar an dtaobh eile den choill.

Féile na Lúnasa

Bhíos ag obair aréir san oifig

Ag prapáil d’Fhéile na Lúnasa

Alán le déanamh

Léachtaí le socrú

Oilithreachtaí le déanamh

Mórthimpeall Chorca Dhuibhne

Dátaí le cinntiú

Cuirí le cur amach

Bhíos sásta.

Thána ar “link” ar mo ríomhaire

A thug isteach i saol eile mé

Saol na Maighdine Muire

Na cúiseanna go dtainig sí chugainn

Ár wárnáil i dtaobh

Cogaí agus

Marú agus

Bás

Na ruin diamhaireach a thug sí dos na leanaí

Á scanrú

Bhíos scílithe.

Thiteas ar mo ghlúine ar an t-úrlár

Dheineas Comhartha na Croise

Agus scaipeas an t-uisce bheannaithe

Ar fud na h-áite

Ghuíos chuig an Cholúr Bhán

Tháinig íomhá álainne na Maighdine ag Lourdes

Chugam i mbrionglóid

Leigheas an t-uisce mé

Bhíos séimh.

Chodlaíos na h-oíche

Ag taibhreamh ar cad a bhí romham amach

Sceitimíní orm a chlos faoin Bhliain Cheilteach

Agus faoin Leabhar Eoin.

Bhíos sásta.

                                                                  Iúil

Oíche Chinn Bhliana

Oíche Chinn Bhliana

Féachaim amach an fhuinneog

Níl faic le feiscint

Ceo mar phlaincéad

Ar thithe mo chomharsan.

Soilse ag iarraidh solas a chaitheamh

Ar an mbóthar.

Ceo mí-nádúrtha

Ar aon dul lem’ cheann

Múchta.

Slogaim cúpla piolla

Agus féachaim timpeall orm fhéin;

Mo sheomra cosúil le tip

Na haon rud i ngabhal a chéile

Gan fonn orm mo chuid éadaigh a chrochadh suas…

Gan fonn orm iad a ní…

Gan fonn orm mé féin a ní.

Ní féidir liom éirí

Ceangailte dem’ leaba

Le cornasc óm’ cheann

Mo smaointe trína chéile.

Cá bhfuil Íosa anois?

Cá bhfuil Padre Pio?

Ní féidir liom paidir a rá

Ní féidir liom codladh.

Shh!

Cloisim torann i bhfad uaim

Lasann an oíche.

Splancanna spleodracha a lasann an oíche

Tagann éirí croí orm.

Na fireworks ar an gcé dearmadta agam -

Oíche Chinn Bhliana.

Leanann an spré órga, gorm, oráiste, airgead

Maireann sé leathuair a’ chloig.

Dúnaim an fhuinneog,

Dúnaim mo shúile,

Deinim iarracht ar chodladh.

An Gadaí Gránna

An Gadaí Gránna....    [leaid a sciob mo chroí leis ina shatchel...!!! lol ]  

’Sé seo an saol

Saol gan mhaith

Gan gháire

Gan ghreann

Níl éinne im’ shaol anois

Bhí fear ann tráth

Ach…d’imigh sé…

Ar imirice chun na hAifric

A dúirt sé liom.

Scríbhneoir ab ea é

A dúirt sé liom

Philanthropist

Huh!

Ag scríobh aistí.

Ní bhfuaireas é sin amach

Go dtí an lá a dúirt sé

Slán.

Aistí!...huh!

Ní mór mar sin

An scríbhneoir é

Ag ligint air

Go bhféadfadh sé scríobh

Ag ligint air

Go raibh sé i ngrá liom

Ghoid sé mo chroí

An gadaí gránna

Ghoid sé m’anam

Agus ghoid sé mo chorp.

Ghoid sé an fuinneamh a bhí ionam

Táim mar rud marbh anois aige

Rud caite críonna…bailithe

Agus é fhéin…bailithe leis

Go meidhreach

Síos an bothar

Ar a bhicycle

Slán leat

A sheana-rud gan mhaith.

Dein staidéar ar bhean eile,

Ar chultúir eile

Ar chroí eile

Ar amadán eile…

Táim níos fearr as

I m’aonar.

Mo Chara Pádraig

Tá cara mór maith agam

Agus Pádraig is ainm do

Siúnéir ab ea é nuair a bhí sé óg

Inniu is Corp agus Fuil Íosa é.

Glaonn sé orm ar mo mhobile

Conas tánn tú inniu?

Níos fearr a deirim…

Ní theastaíonn uaim é a chrá

Ní ligim orm go bhfuil

An seana-Ghalar Dubh

Thar n-ais chugam arís

Tusa mo chara speisialta a deir Pádraig liomsa

Leanann sé ar aghaidh

Ná tuigeann tú é sin?

Tá do dhóthain le déanamh agat

’Athair

Seachas a bheith ag éisteacht liomsa

A deirim leis.

Teastaíonn uaim é a chur ag gáirí

An cairdeas atá eadrainn a neartú

Deineann gáire san, gan aon dabht.

An bhfuil a fhios agat, a Phádraig,

Cad a bhí ar bun agam inniu?

Ghoideas tuí ón mainséar!

I ngan fhios d’éinne!

“Ó Immeal Átha a tháinig an nós san”, ar sé

Sea, ó mo sheana-mháthair arsa mise.

Gháireamar beirt, gan stad gan staonadh.

“Beannacht Dé le hanamacha na Marbh” ar sé.

Caithfidh tú píosa don tuí a thabhairt dom.

Chuas isteach ’on tsáipéil agus lasas coinneal

Bhí casúr ina luí ar an altóir

Tháinig sceitimíní orm.

Chuas go dtí an mainséar

Agus thosnaíos ag caint le Joe

 Joe an Siunéir

A mhúin a cheard don Leanbh Íosa

An cheard chéanna a bhí agam fhéin

Nuair a bhíos ag obair sna Stáit Aontaithe

Casúr im’ láimh

Agus amhrán im’ chroí

Is mór an sásamh a fuaireas as an gcasúr.

Go háirithe an uair a dheineas na cabinets

Do Joan Kennedy cáiliúil, alcólach bocht

Bhí áthas orm agus mé ag imeacht doras an tsáipéil amach

Casúr i láimh amháin

Tuí sa láimh eile

Agus amhrán im’ chroí

Bronntanas do mo chara Phádraig

Ní bheidh easpa ar aon duine don mbeirt againn

I mbliana le cúnamh Dé.

Gháireas go ciúin chugam fhéin agus

Siúd liom suas an bóithirín

Chun Tigh na Sagart.