Tánn tú suite ansan
Ar do sháimhín só
Beag beann ar an saol
Lasmuigh de do dhoras
Cathaoir órga faoid’ thóin
Agus leanbh breá beathaithe
Ataithe
Faoi d’ascail.
Tá leanaí na tíre seo
Ataithe
Chomh maith
Ach ní ag caviar
Ach ag aer tirim na dúiche…
Is maith liom an dath dearg
Atá ar do ghúna galánta
Ach b’fhearr liom
A bheith istigh i bpluais
Seachas cur suas leis
An bpusachán atá pósta leat.
An gcuimhníonn tú riamh ormsa anois?
Bhís ana-mhór liom nuair a bhíomar óg.
Sciobais mo leannán uaim
Le do chuid airgid agus ardnósanna.
Bhailíos liom chuig an Aifric
Croíbhriste.
Nósanna de shaghas eile amuigh anso
A thógann tamall dul i dtaithí orthu
Ach nach mise a bhí ámharach
Gur thugas na cosa go deas liom.
No comments:
Post a Comment